Xalq deputatlari Andijon shahar Kengashi kotibiyati bosh mutaxassisi Sh. Yusupov tomonidan deputatlar tomonidan yuborilgan so‘rovlar ijrosini o‘z vaqtida ta’minlash yuzasidan bo‘lim va boshqarmalarda o‘rganish ishlari olib borilmoqda.

Bugungi o‘rganish Andijon shahar Ekologiya bo‘limida o‘tkazilib, shahar Kengashi deputati A. Appaqov tomonidan “Xo‘tanariq” MFYda yashovchi fuqarolarning murojaati yuzasidan yuborilgan deputat so‘rovi ijrosi ko‘rib chiqildi.

Mazkur so‘rovda hududdan oqib o‘tuvchi “Xo‘tanariq” kanalini tozalash hamda chiqindi tashlash holatlarini o‘rganib, vakolat doirasida tegishli choralar ko‘rish masalasi ko‘tarilgan.

O‘rganish davomida Ekologiya bo‘limi boshlig‘i o‘rinbosari M. Zohidov mazkur masala joyiga chiqib o‘rganilganini ma’lum qildi. Hozirda deputat so‘roviga yakuniy javob xatini taqdim etish bo‘yicha ishlar olib borilmoqda.