📜 O‘zbekiston Respublikasi Prezidentining “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-son qarori ijrosi doirasida Shovot tumani Yangi O‘zbekiston mahallasida hokim yordamchisi tomonidan amalga oshirilayotgan ishlar o‘rganildi.
👤 Xalq deputatlari Shovot tumani Kengashi 6-Qiyot saylov okrugi deputati Ro‘zmetov Marimboy Shermetovich tomonidan o‘z saylov okrugiga qarashli Yangi O‘zbekiston mahallasidagi hokim yordamchisining faoliyati o‘rganildi.
🤝 O‘rganish jarayonida Kengash kotibiyati mudiri Masharipov Izzat Masharipovich, kotibiyat bosh mutaxassisi Ro‘zmetov Umrbek Shavkatovich hamda Xalq deputatlari Shovot tumani Kengashi huzuridagi Yoshlar maslahat guruhi a’zosi Qo‘ziboyev Temurbek Sarvarovich ishtirok etdilar.
🔎 O‘rganish davomida mahallada aholi daromadlarini oshirish, yangi va barqaror ish o‘rinlarini yaratish, tadbirkorlik faoliyatini rivojlantirish, aholini kasb-hunarga o‘qitish hamda kambag‘allikni qisqartirish borasida amalga oshirilayotgan ishlar tahlil qilindi.
💼 Shuningdek, ishsiz fuqarolarni bandligini ta’minlash, aholi xonadonlarida daromadli mehnat faoliyatini yo‘lga qo‘yish, tadbirkorlik tashabbuslarini qo‘llab-quvvatlash va mavjud imkoniyatlardan samarali foydalanish masalalariga alohida e’tibor qaratildi.
📌 O‘rganish yakunida aniqlangan masalalarni bartaraf etish hamda PQ-49-son qarorida belgilangan vazifalarning ijrosini ta’minlash yuzasidan tegishli tavsiya va takliflar bildirildi.
🤝 Asosiy maqsad — aholi daromadini oshirish, bandlikni ta’minlash va kambag‘allikni qisqartirish!