Aholi bandligini ta’minlash bo‘yicha ishlar o‘rganildi

Xalq deputatlari tuman Kengashi deputati G.Qorayeva tomonidan tuman Kambag‘allikni qisqartirish va bandlikka ko‘maklashish markazida aholi bandligini ta’minlash borasida amalga oshirilayotgan ishlar holati o‘rganildi.

O‘rganish davomida aholini ish bilan ta’minlash, ishsiz fuqarolarni doimiy va mavsumiy ish o‘rinlariga jalb etish, shuningdek, fuqarolarning bandligini ta’minlashga qaratilgan dasturlar ijrosi yuzasidan mas’ullarning faoliyati ko‘zdan kechirildi.

Shuningdek, bandlikka muhtoj fuqarolarni aniqlash, ularni kasb-hunarga o‘qitish hamda tadbirkorlik faoliyatiga jalb etish borasida amalga oshirilayotgan ishlar muhokama qilindi.

Aniqlangan masalalar yuzasidan mas’ullarga tegishli tavsiya va ko‘rsatmalar berilib, aholi bandligini ta’minlash bo‘yicha belgilangan vazifalarning ijrosi deputat tomonidan nazoratga olindi.