Xalq deputatlari Zomin tuman Kengashi kotibiyati mudiri M.G‘oibnazarov hamda “Madad” NNTning Zomin tuman Huquqiy maslahat byurosi bosh mutaxassisi I.Tashbayev bilan birgalikda tuman Adliya bo‘limida fuqarolar murojaatlari bilan ishlash holati o‘rganildi.

O‘rganish davomida fuqarolarning murojaatlarini qabul qilish, ularni belgilangan tartibda ro‘yxatga olish, ko‘rib chiqish va murojaatlarda ko‘tarilgan masalalar yuzasidan amaliy choralar ko‘rish jarayonlari tahlil qilindi.

Shuningdek, murojaatlarni ko‘rib chiqishda qonunchilikda belgilangan muddatlarga rioya etilishi, fuqarolarga berilayotgan javoblarning mazmuni va asoslantirilganligi, murojaatlarning natijadorligi hamda takroriy murojaatlarning oldini olish masalalariga e’tibor qaratildi.

O‘rganish yakunlari bo‘yicha fuqarolar murojaatlari bilan ishlash samaradorligini oshirish, murojaatlarda ko‘tarilayotgan muammolarni o‘z vaqtida hal etish va aholining huquqiy manfaatlarini ta’minlash yuzasidan tegishli tavsiya va takliflar bildirildi.