#Kunlik_ish_reja #kotibiyat_xodimi_faoliyati
#nazorat_tahlil #deputat_okrugida #deputat_faoliyati

“Yangikent” mahallasida infratuzilma loyihalari o‘rganildi

Xalq deputatlari tuman Kengashiga 8-Yangi yo‘l saylov okrugidan saylangan deputat A.Ergashev hamda tuman Kengashi kotibiyati bosh mutaxassisi J.Donayev tomonidan “Yangikent” mahallasida infratuzilmani rivojlantirish yo‘nalishida amalga oshirilayotgan ishlar o‘rganildi.

O‘rganish davomida “Taraqqiyot va yetakchilik maskani” dasturi doirasida “Yangikent” mahallasidagi baliqchilik ko‘li atrofida ichki turizm va xizmat ko‘rsatishni tashkil etish maqsadida zarur infratuzilma bilan ta’minlash loyihasi doirasidagi ishlar ko‘zdan kechirildi. Xususan, 1 km masofada yer tekislash ishlari amalga oshirilgani hamda trotuar qurish ishlari boshlanganligi aniqlandi.

Shuningdek, mahalla hududidan o‘tgan R-100 avtomobil yo‘li bo‘yidagi kollektorni yopiqqa aylantirish orqali hosil bo‘lgan yer maydonida savdo va xizmat ko‘rsatish obyektlarini tashkil etish loyihasi doirasida amalga oshirilayotgan ishlar ham o‘rganildi.

Mazkur loyiha bo‘yicha pudratchi “FAXRIDDIN” MCHJ tomonidan 250 dona beton galereya olib kelingani, shundan 200 donasi joyiga o‘rnatilgani ko‘rib chiqildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram