#Deputatlik_nazorati #Kotibiyat_hududlarda #haftalik_ish_reja_ijrosi

“OBOD MAHALLA” DASTURI DOIRASIDAGI ISHLAR NAZORATDAN O‘TKAZILDI

📁 2026-yil 25-maydagi “Uchtepa tumani mahalliy byudjetining qo‘shimcha manbalarini xarajatlarga yo‘naltirish to‘g‘risida”gi III-29-42-14-202-K/26-son qarori asosida “Obod mahalla” dasturi doirasida tugallanmay qolgan loyihalarni amalga oshirish uchun ajratilgan mablag‘larning maqsadli sarflanishi hamda olib borilayotgan ishlar doirasida A.Sog'uniy mahalalsida joyiga chiqib o‘rganish ishlari olib borildi.

🇺🇿 O‘rganish jarayonida Kengash kotibiyati mudiri Anvar Usmanov va kotibiyat bosh mutaxassisi Umidbek Abilov fuqarolar hamda uy boshqaruvchilari bilan suhbatlashib, hududdagi mavjud muammolarni o‘rgandilar. Shuningdek, pudratchi tashkilot tomonidan amalga oshirilayotgan ishlar ko‘zdan kechirilib, ularning sifati yuzasidan tanqidiy fikrlar bildirildi.

🏢 Jumladan, 4-, 8-, 9-, 11- va 12-uylarga tutash hududlarda asfalt qoplamasi yotqizilmagani aniqlandi. Shuningdek, fuqarolar murojaatlari asosida 19-uy oldidagi futbol maydoni va unga tutash bolalar maydonchasining ta’mirtalab holati ham ko‘rib chiqildi.

📝 Mas’ullarga aniqlangan kamchiliklarni bartaraf etish, ishlarni sifatli bajarish hamda barcha qurilish me’yor va talablariga qat’iy rioya etish yuzasidan tegishli topshiriqlar berildi. Ajratilgan mablag‘larning maqsadli va samarali sarflanishi nazoratga olindi.