Xalq deputatlari tuman Kengashi deputatlari D.Egamqulova va N.Turdiyevlar tomonidan A.Navoiy mahallasida aholini oqar suv bilan ta’minlash holati fuqarolar murojaati asosida joyiga chiqqan holda o‘rganildi.
O‘rganish davomida mahalladagi oqar suv tarmog‘ining holati ko‘zdan kechirilib, suv ta’minotini yaxshilash maqsadida tarmoqning boshlanish qismiga suv to‘sini (Shlyuz) o‘rnatish zarurligi aniqlandi. Mazkur qurilmani o‘rnatish orqali suv tarmog‘ining samarali ishlashini ta’minlash ko‘zda tutilmoqda.
Deputatlar tomonidan aniqlangan muammo yuzasidan tegishli mas’ullarga murojaat qilinib, suv to‘sini (Shlyuz) o‘rnatish masalasini amaliy hal etish hamda mahalla aholisini oqar suv bilan barqaror ta’minlash bo‘yicha zarur choralarni ko‘rish tavsiya etildi.