Xalq deputatlari Ishtixon tumani Kengashi deputati Olim Sattarovich Sadullayev tomonidan 2026-yil 27-iyuldagi 182-ds-369-26-sonli deputat so‘rovi orqali xotin-qizlarni tazyiq va zo‘ravonlikdan himoya qilish, jabrlanganlarga ijtimoiy xizmatlar ko‘rsatish hamda mazkur yo‘nalishdagi ishlarni tizimli tashkil etish yuzasidan ma’lumot so‘ralgan edi.

Mazkur deputat so‘roviga “Inson” ijtimoiy xizmatlar markazi tomonidan 2026-yil 6-avgustdagi 09-05/01-1397-sonli javob xati taqdim etildi.

📌 Javob xatida keltirilishicha, O‘zbekiston Respublikasi Prezidentining 2024-yil 10-maydagi PQ-175-sonli qarori asosida 2026-yil hisobot davriga qadar tazyiq va zo‘ravonlikka uchragan 269 nafar xotin-qizning barchasiga himoya orderlari olib berilgan.

Shuningdek:
🔹 152 nafar xotin-qiz bo‘yicha xizmat ko‘rsatish yuzasidan so‘rovnomalar o‘tkazilgan;
🔹 36 nafar xotin-qiz birlamchi ko‘mak xonalariga joylashtirilgan;
🔹 1 nafar xotin-qiz reabilitatsiya markaziga joylashtirilgan;
🔹 jami 370 ta xizmat ko‘rsatilgan.
Ko‘rsatilgan xizmatlar tarkibida yuridik, psixologik va ijtimoiy qo‘llab-quvvatlash, shuningdek, kasbga o‘qitish kabi yo‘nalishlar mavjud.

📍 Mazkur ma’lumotlar deputat tomonidan o‘rganilib, xotin-qizlarni tazyiq va zo‘ravonlikdan himoya qilish, jabrlanganlarga zarur ijtimoiy xizmatlarni ko‘rsatish hamda ushbu yo‘nalishda belgilangan vazifalar ijrosi ustidan deputatlik nazorati davom ettiriladi.

Xalq deputatlari Ishtixon tumani Kengashi tomonidan xotin-qizlarning huquq va qonuniy manfaatlarini himoya qilish, ularning xavfsizligini ta’minlash hamda tazyiq va zo‘ravonlikning oldini olishga qaratilgan ishlar izchil davom ettiriladi.

Bizni ijtimoiy tarmoqlarda kuzating:
Telegramm | Web-sayt | Facebook | Instagram