#19_1_modda 📄 RASMIY SO‘ROV YUBORILDI
Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan maktabgacha ta’lim tizimidagi muhim masalani o‘rganish yuzasidan rasmiy xat yuborildi.
Jumladan, 2026-yil 18-avgustdagi 24-kx-487-26-sonli xat bilan tuman Maktabgacha va maktab ta’limi bo‘limi boshlig‘i N.Saparovaga murojaat qilindi.
Mazkur o‘rganish O‘zbekiston Respublikasi Vazirlar Mahkamasining 2018-yil 28-martdagi 244-son qarori bilan tasdiqlangan “Bolalarni davlat maktabgacha ta’lim tashkilotlariga qabul qilish bo‘yicha davlat xizmatlari ko‘rsatishning ma’muriy reglamenti” talablari ijrosini tuman miqyosida o‘rganish maqsadida tashkil etilmoqda.
O‘rganish davomida:
🔹 davlat maktabgacha ta’lim tashkilotlariga bolalarni qabul qilish jarayoni;
🔹 navbatlarning shakllantirilishi va yuritilishi;
🔹 imtiyozli toifaga mansub bolalarni qabul qilish tartibi;
🔹 mavjud bo‘sh o‘rinlardan foydalanish;
🔹 yo‘llanmalarni rasmiylashtirish;
🔹 fuqarolarga davlat xizmatlarini ko‘rsatish sifati va qonuniyligi kabi masalalarga alohida e’tibor qaratiladi.
📌 Doimiy komissiya tomonidan o‘rganishni sifatli va to‘liq tashkil etish maqsadida tegishli ma’lumot va hujjatlarni taqdim etish so‘raldi.
Mazkur jarayon orqali maktabgacha ta’lim tashkilotlariga qabul qilishda qonuniylik, ochiqlik va shaffoflikni ta’minlash, aniqlangan muammolarni bartaraf etish hamda fuqarolar uchun davlat xizmatlari sifatini oshirish ko‘zda tutilgan.
Qonun ijrosi — deputatlik nazoratida!