#muammoga_yechimlar #Deputatlik_nazorati

OG‘ZAKI MUROJAAT HAM E’TIBORDAN CHETDA QOLMAYDI

🗣 Xalq deputatlari Uchtepa tumani Kengashining "10-Oqmachit" saylov okrugi deputati Abdullayev Farhod Ravshanovichga Oqmachit mahallasi, Chevar ko‘chasi, 36-uy fuqarolari tomonidan og‘zaki murojaat qilindi.

🕯 Murojaatda uy yaqinidagi elektr simyog‘ochi atrofida o‘sib ketgan tut daraxti shoxlari xavf tug‘dirayotgani, turli noxush holatlarning oldini olish maqsadida daraxtni butash zarurligi bildirilgan.

⚡ Deputat tomonidan murojaat mas’ul tashkilotlarga yetkazilib, Uchtepa tuman elektr tarmoqlari korxonasi tomonidan tegishli ishlar amalga oshirildi. Daraxt shoxlari tartibga keltirilib, hududdagi xavfsizlik ta’minlandi.

📈 Bu kabi amaliy ishlar deputatlik faoliyatining asosiy mezoni — fuqarolar murojaatini eshitish, muammoni mas’ullarga yetkazish va uning ijrosini ta’minlash tamoyiliga asoslanadi.

📁 Shuningdek, mazkur yondashuv “mahalla yettiligi – tuman Kengashi – Senat” hamkorlik tizimi doirasida aholi muammolarini joyida aniqlash va bosqichma-bosqich hal etishga qaratilgan vazifalarga hamohangdir. O‘zbekiston Respublikasi Prezidentining 2025-yil 23-iyundagi PF-98-son Farmonida aholi muammolarini hal etishni ushbu tamoyil asosida kuchaytirish belgilangan.

📈 Yozma yoki og‘zaki bo‘lishidan qat’i nazar, har bir murojaat — e’tibor va amaliy natija uchun asosdir.