🏘 “BAHOR” MAHALLASIDA PROFILAKTIKA INSPEKTORI FAOLIYATI O‘RGANILDI

✅ Xalq deputatlari Navoiy shahar Kengashi deputati Xudayqulova Nargiza G‘aybullaevna hamda Kengash kotibiyati bosh mutaxassisi Muborak Astanova tomonidan 14-“Ziyokor” saylov okrugiga qarashli “Bahor” mahallasida profilaktika inspektorining xizmat faoliyati o‘rganildi.
🔎 O‘rganish davomida hududda jamoat tartibini saqlash, jinoyatchilik va huquqbuzarliklarning oldini olish, fuqarolar murojaatlari bilan ishlash hamda aholi o‘rtasida huquqiy targ‘ibot ishlarini olib borish holatiga e’tibor qaratildi.

⚖️ Mazkur yo‘nalishdagi ishlar O‘zbekiston Respublikasining 2014-yil 14-maydagi O‘RQ-371-son “Huquqbuzarliklar profilaktikasi to‘g‘risida”gi Qonuni talablari asosida amalga oshiriladi.

📌 Qonunda huquqbuzarliklarning oldini olish, ularning sodir etilishiga sabab bo‘layotgan shart-sharoitlarni aniqlash va bartaraf etish, shuningdek, fuqarolarning huquq va qonuniy manfaatlarini himoya qilish muhim vazifalar sifatida belgilangan.

🤝 Shuningdek, profilaktika inspektorining mahalla faollari, yoshlar, xotin-qizlar va boshqa mas’ul tashkilotlar bilan hamkorligi, muammoli oilalar bilan ishlashi hamda profilaktik hisobda turuvchi shaxslar bilan olib borayotgan ishlari ko‘rib chiqildi.

📋 O‘rganish yakunlari bo‘yicha hududda huquqbuzarliklarning barvaqt oldini olish, aholi bilan manzilli ishlashni kuchaytirish va mahallada osoyishtalikni ta’minlashga qaratilgan profilaktik tadbirlar samaradorligini oshirish yuzasidan tegishli tavsiya va takliflar bildirildi.

🕊 Qonun ustuvorligi — tinchlik va osoyishtalik
garovi!