Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tumanda yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan hududlarda o‘rganishlar davom etmoqda.

🔎 Mazkur yo‘nalishlar doirasida xalq deputatlari Pastdarg‘om tumani Kengashi deputati O‘.Shukurov tomonidan 15-umumta’lim maktabining yangi o‘quv yiliga hamda kuz-qish mavsumiga tayyorgarlik holati o‘rganildi.

O‘rganish davomida maktabdagi o‘quv xonalari, bino va inshootlarning holati, isitish tizimi, zarur jihozlar hamda obodonlashtirish ishlari ko‘zdan kechirildi.

Shuningdek, yangi o‘quv yilini munosib kutib olish, o‘quvchilar uchun xavfsiz va qulay ta’lim muhitini yaratish, kuz-qish mavsumini betalafot o‘tkazish uchun ko‘rilayotgan choralar yuzasidan mas’ullar bilan fikr almashildi.

📌 Aniqlangan masalalar yuzasidan tegishli tavsiyalar berilib, mavjud kamchiliklarni o‘z vaqtida bartaraf etish bo‘yicha vazifalar belgilandi.