#_deputat_faoliyati
Mahallalarda obodonlashtirish ishlari yuzasidan aniq vazifalar belgilandi

Xalq deputatlari tuman Kengashi deputati, tuman hokimi Odiljon Yaqubov, shuningdek, tuman hokimining birinchi o‘rinbosari va sohalar bo‘yicha o‘rinbosarlari tomonidan “Yangi O‘zbekiston” qiyofasidagi va og‘ir toifadagi mahallarda obodonlashtirish va bunyodkorlik ishlari yuzasidan joylarda uchrashuvlar o‘tkazildi.

Jumladan, tuman Kengash deputati, tuman hokimi Odiljon Yaqubov boshchiligida “Yangi O‘zbekiston” qiyofasidagi Tortuli mahallasida olib borilayotgan obodonlashtirish va bunyodkorlik ishlarini jadallashtirish, savdo va xizmat ko‘rsatish obyektlarining tashqi ko‘rinishini zamonaviy talablar asosida shakllantirish, noqonuniy qurilmalarni bartaraf etish hamda ko‘cha va jamoat joylarini obod holga keltirish yuzasidan aniq vazifalar belgilandi.

Shuningdek obodonlashtirish ishlarini jadallashtirish, infratuzilmani rivojlantirish, qurilish-ta’mirlash ishlari ustidan jamoatchilik nazoratini kuchaytirish, xonadonlarning tashqi fasad qismini tartibga keltirish hamda barcha ishlarni sifatli va belgilangan muddatlarda amalga oshirish bo‘yicha mas’ullarga aniq topshiriqlar berildi.