Xalq deputatlari Qo‘qon shahar Kengashining 20-"Tulaboy" saylov okrugidan saylangan deputati O‘.Maxmudov tomonidan Ganjiravon mahallasida joylashgan 7-oilaviy poliklinika filialida O‘zbekiston Respublikasi Prezidentining 24-tavsiyasi ijrosi doirasida aholini bepul dori-darmonlar bilan ta’minlash holati yuzasidan o‘rganish ishlari olib borildi.

O‘rganish davomida tibbiyot muassasasida imtiyozli toifadagi fuqarolarni bepul dori vositalari bilan ta’minlash jarayoni, dori-darmonlarning mavjud zaxirasi, ularni tarqatish tartibi hamda retseptlar asosida berilish amaliyoti atroflicha tahlil qilindi.

Shuningdek, bemorlarning bepul dori vositalarini olishda duch kelayotgan muammolari, murojaatlarni ko‘rib chiqish tizimi hamda dori-darmonlar ta’minotining uzluksizligini ta’minlash yuzasidan mas’ullar bilan muhokamalar o‘tkazildi.

O‘rganish jarayonida fuqarolarga sifatli va o‘z vaqtida tibbiy xizmat ko‘rsatish, bepul dori vositalari bilan ta’minlash tizimining samaradorligini yanada oshirish hamda amaldagi qonunchilik talablariga qat’iy rioya etish masalalari yuzasidan fikr almashildi.

Xalq deputatlari Qo‘qon shahar Kengashi