Xalq deputatlari Olmazor tumani Kengashi deputati Umida Fayziyeva II chorak yakunlari bo‘yicha deputat saylovchilar oldida axborot berdi

📍Xalq deputatlari Olmazor tumani Kengashining 15-"Bo‘stonobod" saylov okrugi deputati Umida Fayziyeva tomonidan "Qichqiriq" MFY fuqarolari, mahalla "yettiligi" hamda ijro hokimiyati vakillari ishtirokida 2026-yil II chorak yakunlari bo‘yicha deputatlik faoliyati yuzasidan axborot berish tadbiri o‘tkazildi.

📘 Tadbir davomida deputat tomonidan II chorak mobaynida amalga oshirilgan ishlar, fuqarolar murojaatlari bilan ishlash, hududdagi ijtimoiy-iqtisodiy masalalarni hal etish, "Ko‘chama-ko‘cha deputat daftari" amaliyoti doirasida olib borilgan faoliyat hamda kelgusidagi ustuvor vazifalar yuzasidan batafsil axborot berildi.

🔖 Shuningdek, fuqarolar tomonidan ko‘tarilgan dolzarb masalalar yuzasidan ijro hokimiyati organlari vakillari bilan birgalikda muhokamalar o‘tkazilib, ularning yechimini ta'minlash bo‘yicha tegishli vazifalar belgilandi.

📖 Mazkur tadbir O‘zbekiston Respublikasi Oliy Majlisi Senatining mahalliy Kengash deputatlarining saylovchilar oldida har chorak yakunlari bo‘yicha axborot berish tartibini belgilovchi qarori hamda "Xalq deputatlari mahalliy Kengashi deputatining maqomi to‘g‘risida"gi O‘zbekiston Respublikasi Qonuni talablari asosida tashkil etildi.

🤝 Bunday ochiq muloqotlar deputatning saylovchilar oldidagi hisobdorligini ta'minlash, ijro hokimiyati organlari bilan hamkorlikni mustahkamlash hamda hududdagi muammolarni o‘z vaqtida va samarali hal etishga xizmat qiladi.

👇 Bizni ijtimoiy tarmoqlarda kuzatib boring!