Xalq deputatlari Shovot tumani Kengashi kotibiyati mudiri, 24-Gulshan saylov okrugidan saylangan deputat Masharipov Izzat Masharipovich tomonidan navbatdagi fuqarolar qabuli o'tkazildi.
Qabul davomida fuqarolar tomonidan suyultirilgan gaz ta'minoti, moddiy yordam ajratish, ijtimoiy reyestrga kiritish, shuningdek, farzandlarini maktabgacha ta'lim tashkilotlari hamda umumta'lim maktablariga joylashtirish bilan bog'liq masalalar yuzasidan murojaatlar bildirildi.
Har bir murojaat deputat tomonidan sinchkovlik bilan tinglanib, amaldagi qonunchilik asosida huquqiy tushuntirishlar berildi. O'z yechimini joyida topishi mumkin bo'lgan murojaatlar shu zahotiyoq hal etildi, qo'shimcha o'rganishni talab etadigan masalalar esa tegishli tashkilotlar bilan hamkorlikda nazoratga olindi.
Fuqarolar bilan ochiq muloqot qilish, ularning muammolarini o'z vaqtida o'rganish va amaliy yechim topish deputatlik faoliyatining ustuvor yo'nalishlaridan biri bo'lib qolmoqda.