Xalq deputatlari Farg‘ona tuman Kengashidagi O‘zbekiston “Adolat” SDP deputatlik guruhi tomonidan Farg‘ona tuman hududidagi 42-sonli umumta’lim maktabida partiyaning “Ta’limda korrupsiyaga yo‘l bermaymiz” loyihasi doirasida davra suhbati bo‘lib o‘tdi. 

🔹Davra suhbatida Xalq deputatlari Farg‘ona tuman Kengashi deputatlari O.Dadajonova F.Mirzayev, O‘zbekiston “Adolat” SDP Farg‘ona tuman Kengashi raisi N.Karimov, maktab ma’muriyati va maktabning yuqori sinf o‘quvchi-yoshlari ishtirok etdilar. 

🔹Unda Xalq deputatlari Farg‘ona tuman deputati O.Dadajonova:  

Korrupsiya jamiyat taraqqiyoti uchun eng katta to‘siqdir. Sohalar rivojlanmaydi, toki unda “Korrupsiya” deb atalgan noqonunniy illat bo‘lsa, har bir mustaqil fikrlashga ega bo‘lgan fuqaro o‘z faoliyatida adolatli va shaffoflik bilan yondashsa, ta’lim tizimida esa yoshlarga ta’lim – tarbiya berishdagi sharafli kasbiga dog‘ tushirmasdan ish olib borishi zarurligini, zero, ta’limda korrupsiyani to‘laqonli yo‘q bo‘lishida har birimizning ishtirokimiz muhim ekanligini aytib, Mamlakatimiz Prezidenti Sh.Mirziyoyev Korrupsiyaga qarshi kurashish sohasida xalqaro mukofotni topshirish marosimida “Korrupsiyaga qarshi kurashish har bir sof vijdonli insonning, demokratik jamiyat va davlatning muqaddas burchidir” deya ta’kidlab, yoshlarni ta’limda korrupsiyaga yo‘l bermaslikka chaqirdi.