Búgin Xalıq deputatları Bozataw rayonlıq Keńesinde Ózbekstan Respublikası Prezidentiniń 2024-jıl 2-fevral kúni “Jergilikli mámleketlik hákimiyat uyımlarınıń jumıs nátiyjeliligin arttırıw ilájları haqqında”ǵı PP-28-sanlı Pármanınıń mazmun-mánisin úgit-násiyatlaw maqsetinde seminar bolıp ótti. Seminardı Xalıq deputatları Bozataw rayonlıq Keńesi sekretariatı baslıǵı D.Iskenderov alıp bardı. Seminar barısında usı Pármanda atap ótilgenindey mámleketimizde keyingi jıllarda xalıq deputatları jergilikli Keńeslerdiń aymaqlardı sociallıq-ekonomikalıq rawajlandırıw, xalıqtı sociallıq qorǵawǵa baylanıslı áhmiyetli máselelerdi sheshiw boyınsha wákillikleri keńeytilip, xalıq hákimiyatshılıǵın tolıq túrde ámelge asırıw baǵdarında keń kólemli reformalar ámelge asırılıp atırılǵanlıǵı, sonıń menen birge “Ózbekstan – 2030” strategiyasında kórsetip ótilgen maqsetler jergilikli mámleketlik hákimiyattıń wákillik uyımların xalıqtıń haqıyqıy “dawısına” aylandırıw, jergilikli atqarıw uyımlarınıń jumısın transformaciyalap, aymaqlıq basqarıwdı “xalıq máplerine xızmet etiw” principi tiykarında jolǵa qoyıwdı talap etilip atırǵanlıǵı haqqında deputatlar arasında keń túrde dodalandı.