Fuqarolarning kundalik turmush tarzini tizimli ravishda o'rganish, bu borada aniqlangan muammolarni manzilli ravishda bartaraf etish ishlarini jadallashtirish maqsadida tumanimiz bo'ylab joylarda sayyor qabullar uyushtirilmoqda. Ana shunday ishlarning uzviy davomi sifatida Xalq deputatlari Sirdaryo viloyati Kengashiga MTDP dan saylangan deputat Norbobo Soatov tashabbusi bilan Oqoltin tumanidagi Madaniyat binosida Alisher Navoiy, Yangi davr va Ko'rkam diyor MFY aholi muammolari oʻrganish yuzasidan sayyor qabul tashkil etildi. Qabulda 15 nafardan ortiq fuqarolarning uy-joy olish tartibi, salomatligini tiklash yuzasidan o'zlarini qiynayotgan bir qator masalalar yuzasidan murojaatlari tinglanib, ularni ijobiy hal etish bo'yicha koʻrsatmalar berildi. Qabul jarayonida ularning salmoqli qismi joyida hal qilinib, qolganlari qat'iy nazoratga olindi, mas'ul mutasaddi tashkilotlarga deputatlik so'rovlari yuborilishi belgilab olindi.