Xalq deputatlari Oltinsoy tumani Kengashi deputati Tavasharov Xamro Ziyayevich tomonidan tumandagi Yakka tut va Shakarqamish mahallalari hududidan o‘tuvchi ariq holatini o‘rganish hamda tomorqa yerlarini sug‘orish suv ta’minotini yaxshilash yuzasidan Oltinsoy tumani “Suv etkazib berish xizmati” davlat muassasasi direktori X. Qayumovga rasmiy deputat so‘rovi yuborildi.

Deputatning Yakka tut mahallasi aholisi va saylovchilar bilan o‘tkazgan uchrashuvlari hamda joyiga chiqqan holda o‘tkazilgan o‘rganishlar davomida, tomorqa yer maydonlariga suv yetkazib beruvchi ariqning ayrim qismlarini loyqa va chiqindilardan tozalash, shuningdek, suvning yerga singib ketishi hamda yo‘qotilishining oldini olish uchun betonlash ishlarini amalga oshirish zarurligi aniqlangan.

Deputat so‘rovida quyidagi masalalarga aniqlik kiritish va chora-tadbirlar belgilash so‘ralgan:
·         Ariq o‘zanini loyqa, chiqindi va suv oqimiga to‘sqinlik qilayotgan boshqa omillardan tozalash va qazish ishlarini olib borish;
·         Suv yo‘qotilishining oldini olish maqsadida betonlash talab etiladigan ariq qismlarini aniqlash;
·         Tozalash va betonlash ishlarining hajmi, zarur mablag‘ miqdori hamda bajarish imkoniyatlarini belgilash;
·         Masalani hal etish bo‘yicha aniq chora-tadbirlar rejasini ishlab chiqib, mas’ul ijrochilar va bajarish muddatlarini ko‘rsatish.

Deputat so‘roviga asosan ko‘rilgan choralar va o‘rganish natijalari yuzasidan belgilangan tartibda asoslantirilgan yozma javob taqdim etilishi kutilmoqda.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz