KQ-35-V-sonli qaror ijrosi yuzasidan mahalla yettiligi bilan uchrashuv o‘tkazildi

Xalq deputatlari Navoiy shahar Kengashi kotibiyati mudiri Jo‘rabek Hafizov, Xalq deputatlari Navoiy shahar Kengashi deputati Amir Abralovich Azimov hamda kotibiyat bosh mutaxassisi Diyorbek Toyirov tomonidan KQ-35-V-sonli qaror ijrosi yuzasidan Navoiy shahridagi Istiqlol mahallasida mahalla yettiligi bilan uchrashuv o‘tkazildi.

Uchrashuv davomida KQ-35-V-sonli qarorda belgilangan vazifalarning ijrosi, mahallada amalga oshirilayotgan ishlar, aholini qiynab kelayotgan dolzarb masalalar hamda ularni hal etish yuzasidan olib borilayotgan chora-tadbirlar muhokama qilindi.

Shuningdek, fuqarolarning murojaat va takliflari tinglanib, ular yuzasidan tegishli tushuntirishlar berildi. Murojaatlarda ko‘tarilgan masalalarni qonunchilik doirasida hal etish hamda ularning ijrosini ta’minlash yuzasidan mas’ul tashkilotlarga tegishli tavsiyalar bildirildi.

Uchrashuv yakunida mahalla yettiligi faoliyati samaradorligini yanada oshirish, fuqarolar bilan ochiq muloqotni muntazam davom ettirish hamda KQ-35-V-sonli qarorda belgilangan vazifalar ijrosini so‘zsiz ta’minlash yuzasidan tegishli tavsiyalar berildi.