DEPUTAT HISOBOTI - SAYLOVCHILAR BILAN OCHIQ MULOQOT

Xalq deputatlari Quva tuman Kengashining 14-Xonobod saylov okrugidan saylangan
deputati M.Axmadaliyeva Pastki-Xonabod mahallasida saylovchilari bilan uchrashuv
o‘tkazdi.

Uchrashuvda deputat saylov okrugida aholi manfaatlarini ta’minlash, mavjud
muammolarni hal etish, mahallalar infratuzilmasini yaxshilash, ijtimoiy sohani
rivojlantirish hamda fuqarolar murojaatlari asosida joriy yilning II-choragi
davomida amalga oshirilgan ishlar yuzasidan batafsil hisobot berdi.
Muloqot davomida saylovchilar tomonidan yo‘l-transport, kommunal xizmatlar,
obodonlashtirish, bandlik va boshqa dolzarb masalalar bo‘yicha taklif va
murojaatlar bildirildi. Ularning har biri yuzasidan atroflicha fikr
almashinilib, hal etish mexanizmlari muhokama qilindi.

Aniqlangan barcha muammolar “Deputatning ko‘cha aylanish daftari”ga kiritildi,
bartaraf etish masalalari nazoratga olindi.