Toshkent shahrida “Ibratli oila” ko‘krak nishoni sovrindorlarini taqdirlash marosimi bo‘lib o‘tdi.

📇 15-may — Xalqaro oila kuni munosabati bilan Toshkent shahar hokimligi hamda Oila va xotin-qizlar boshqarmasi tomonidan “Ibratli oila” ko‘krak nishoni sovrindorlarini taqdirlash va “Yangi O‘zbekistonning ibratli oilasi” ko‘rik-tanlovining Toshkent shahar bosqichi g‘oliblarini mukofotlash marosimi tashkil etildi.

📆 2026-yil mart–aprel oylarida mahallalardan tavsiya etilgan nomzodlar hujjatlari ko‘rib chiqilib, yakunda bir qator oilalar “Ibratli oila” ko‘krak nishoni bilan taqdirlandi.

✨ Quvonarlisi, ushbu tadbirda xalq deputatlari Uchtepa tumani Kengashi deputatlari Abdurashid Abdushukurov hamda Sanjar Djalolovlar oilalari ham “Ibratli oila” ko‘krak nishoni bilan taqdirlandi.

🔼 Mazkur e’tirof ularning oilaviy qadriyatlarga sodiqligi, jamiyat hayotidagi faolligi, mahalla va jamoatchilik orasidagi hurmat-e’tibori hamda yosh oilalarga namuna bo‘lib kelayotganligi uchun topshirildi.

🧠 Tadbir davomida oilalarda o‘zaro hurmat va mehr-oqibat muhitini mustahkamlash, milliy qadriyatlarni asrab-avaylash hamda yosh avlodni sog‘lom va barkamol ruhda tarbiyalash masalalariga alohida e’tibor qaratildi.