💊 Bepul beriladigan dori vositalari bilan ta’minlash holati o‘rganildi

📝 Xalq deputatlari tuman Kengashining 15-Badaxshon saylov okrugi deputati N.Djumayeva tomonidan Loyqasoy mahalla fuqarolar yig‘ini hududida joylashgan oilaviy shifokorlik punktida aholiga bepul beriladigan dori vositalari bilan ta’minlash holati atroflicha o‘rganildi.

📊 O‘rganish jarayonida bepul beriladigan dori vositalari ro‘yxati, ularning hududlar kesimidagi mavjudligi, dorixona hamda tibbiyot muassasalariga yetkazib berish tizimi, retsept asosida berish amaliyotining samaradorligi batafsil tahlil qilindi. Shuningdek, aholining mazkur xizmatlar bo‘yicha xabardorlik darajasi, ulardan foydalanish imkoniyatlari, elektron axborot tizimlari orqali hisobga olish va nazorat mexanizmlarining holati, kelib tushgan murojaatlar va shikoyatlar hamda ularning ko‘rib chiqilish darajasi alohida o‘rganildi.

🔎 O‘rganish yakunlari bo‘yicha aniqlangan kamchiliklarni bartaraf etish hamda tizim samaradorligini yanada oshirish yuzasidan tegishli taklif va tavsiyalar ishlab chiqildi.