Mazkur tadbirda jamiyatda ma’rifatni keng targ‘ib qilish, yoshlarni turli yot g‘oya va zararli oqimlar ta’siridan asrash, milliy hamda ma’naviy qadriyatlarni mustahkamlash kabi dolzarb masalalar muhokama markazida bo‘ldi. Tadbir davomida deputatlar va tuman otinoyilar o‘z chiqishlarida ilm-ma’rifatning inson hayotidagi beqiyos o‘rni, jaholatning salbiy oqibatlari, ma’naviy tarbiyaning yosh avlod kamolotidagi ahamiyati haqida mazmunli va hayotiy misollar asosida fikr-mulohazalar bildirdilar.

Shuningdek, tadbirda Xalq deputatlari Beruniy tuman Kengashi kotibiyat mudiri M. Kadirov, tuman Kengashi deputati P. Razzakova hamda tuman Kengashi yoshlar maslahat guruhi a’zosi I. Kadirovalar ham ishtirok etib, bugungi kunda olib borilayotgan ma’naviy-ma’rifiy ishlarning ahamiyati, yoshlar bilan ishlashda tizimli yondashuvni kuchaytirish zarurligi haqida o‘z fikrlarini bayon etdilar. Ular tomonidan yoshlar ongida sog‘lom dunyoqarashni shakllantirish, ularni Vatanga sadoqat ruhida tarbiyalash har birimizning muhim vazifamiz ekani alohida ta’kidlandi.