Amir Temur mahallasida “Yashil makon” dasturi doirasida amalga oshirilgan ishlar o‘rganildi!

Xalq deputatlari Shirin shahar Kengashi deputati Davlat Danayev hududda ekilgan ko‘chatlar holati, ularni parvarishlash va saqlash bo‘yicha olib borilgan ishlar holatini o'rgandi. Afsuski, ayrim joylarda sug‘orish tizimi yetarli darajada yo‘lga qo‘yilmagani sababli ekilgan ko‘chatlarning bir qismi qurib borayotgani aniqlandi.

Shuningdek, ko‘chat ekish ishlari bilan birga ularning keyingi parvarishiga yetarlicha e’tibor qaratilmagani, mas’ul tashkilotlar tomonidan nazorat sust olib borilayotgani kuzatildi. Bu esa amalga oshirilayotgan ishlar samaradorligiga salbiy ta’sir ko‘rsatmoqda.

Mazkur kamchiliklarni bartaraf etish, sug‘orish tizimini yo‘lga qo‘yish, ekilgan ko‘chatlarni saqlab qolish va ularni to‘liq parvarishlash yuzasidan tegishli mas’ullarga aniq topshiriqlar berildi.