Xalq deputatlari Urganch shahar Kengashining “2-Islomobod” saylov okrugidan saylangan deputati B.Djumaniyazov “Ziyokorlar” mahalla fuqarolar yig‘inida saylovchilar bilan uchrashdi.   

Uchrashuv davomida 2026-yilning birinchi choragi davomida amalga oshirilgan deputatlik faoliyati yuzasidan axborot berdi.   

Deputat B.Djumaniyazov o‘z nutqida hududni ijtimoiy-iqtisodiy rivojlantirish yo‘lida bajarilgan ishlar hamda tegishli tashkilotlarga 40 dan ortiq deputat so'rovlari yuborilganini, 7 marotaba doimiy komissiya yig'ilishlarida ishtirok etganini va 1 chorak davomida 4 marta Kengash sessiyalarida qatnashib, o'zining saylov okrugidagi muammolarni hal etish borasida takliflar berilganligi haqida batafsil ma’lumot berdi.   

Kelgusida ham aholi bandligini ta’minlash deputat faoliyatining ustuvor yo‘nalishlaridan biri bo‘lib qolishini ta’kidlab o‘tdi. Ayniqsa, yoshlar va xotin-qizlarni ish bilan ta’minlash, ularning tadbirkorlik tashabbuslarini qo‘llab-quvvatlash, yangi ish o‘rinlarini yaratish muhim vazifa sifatida belgilandi.