Korrupsiya har qanday davlat va jamiyat rivojiga jiddiy to‘siq bo‘ladigan salbiy illatdir. U adolat tamoyillarini buzadi, insonlarning davlat idoralariga bo‘lgan ishonchini susaytiradi hamda iqtisodiy va ijtimoiy taraqqiyotga salbiy ta’sir ko‘rsatadi. Shu bois korrupsiyaga qarshi kurashish bugungi kunda eng dolzarb vazifalardan biri hisoblanadi.

Karmana tumanidagi 27-umumta’lim maktabida Sardoba mahalla fuqarolar yig‘ini aholisi bilan ochiq muloqot tarzida tadbir bo‘lib o‘tdi. Unda Oliy Majlis Qonunchilik palatasi deputati A. Aminova, xalq deputatlari Navoiy viloyat Kengashi deputati Q. G‘aniyev, tuman Kengashi deputati F.Bo'tayevalar ishtirok etib, korrupsiyaga qarshi kurashish va uning oldini olish borasida amalga oshirilayotgan ishlar, mamlakatimizda bo‘layotgan o‘zgarishlar, aholiga yaratilayotgan shart-sharoitlar hamda qonunchilikdagi yangiliklar haqida atroflicha so‘z yuritdilar.

Qizg‘in bahs-munozaralarga boy tarzda o‘tgan ochiq muloqot davomida ishtirokchilar tomonidan taklif va mulohazalar bildirilib, qonunchilikka oid takliflar berildi.