🔷O‘zbekiston Respublikasi Prezidentining 2023-yil 21-dekabrdagi PF-209-son Farmoniga asosan “Pargos” mahalla fuqarolar yig‘ini bo‘yicha hokim yordamchisi B.Omonov va xotin-qizlar faoli J.Nasirova faoliyatlari xalq deputatlari Bo‘stonliq tumani Kengashiga O‘zbekiston “Milliy tiklanish” demokratik partiyasidan saylangan deputat M.Aynashova tomonidan o‘rganildi.

🔷O‘rganish davomida hokim yordamchisi tomonidan aholi bandligini ta’minlash, kam ta’minlangan va ishsiz fuqarolarni tadbirkorlikka jalb qilish, ularga imtiyozli kredit va subsidiyalar ajratish bo‘yicha amalga oshirilgan ishlar ko‘rib chiqildi. Shuningdek, “Temir daftar”, “Ayollar daftari” va “Yoshlar daftari”ga kiritilgan fuqarolar bilan manzilli ishlash, ularning muammolarini hal etish bo‘yicha olib borilayotgan ishlarga alohida e’tibor qaratildi.

     Xotin-qizlar faoli tomonidan mahalladagi xotin-qizlarning bandligini ta’minlash, ularni kasb-hunarga o‘qitish, ijtimoiy himoyaga muhtoj ayollar bilan ishlash, oilaviy nizolarni bartaraf etish va ma’naviy-ma’rifiy tadbirlarni tashkil etish borasida amalga oshirilayotgan ishlar ham tahlil qilindi.

🔷Deputat tomonidan mas’ullarga aniq taklif va tavsiyalar berildi hamda mavjud muammolarni bartaraf etish, aholi bilan ishlash samaradorligini oshirish yuzasidan tegishli chora-tadbirlar belgilab olindi.