Mazkur o‘rganish jarayoni mahalliy Kengash deputatlari faoliyati uchun ishlab chiqilgan “24 ta eng muhim yo‘nalish” doirasida tashkil etilib, asosiy e’tibor yoshlarning bilim olishi va jismoniy chiniqishi uchun yaratilgan sharoitlarga qaratildi.

💬 O‘rganish davomida quyidagilar tahlil qilindi:

✔️Kutubxona faoliyati:

Litsey kutubxonasining kitob fondi, badiiy va ilmiy adabiyotlar bilan ta’minlanganlik darajasi ko‘zdan kechirildi. O‘quvchilarning mutolaaga bo‘lgan qiziqishini oshirish, kutubxonani zamonaviy adabiyotlar bilan boyitish va axborot-resurs markazi imkoniyatlaridan samarali foydalanish bo‘yicha tavsiyalar berildi.

✔️Sport zal holati:

Yoshlarning jismoniy tarbiya va sport bilan shug‘ullanishlari uchun yaratilgan sharoitlar o‘rganildi. Sport zalining texnik holati, sport anjomlari bilan ta’minlanganligi hamda to‘garaklar faoliyatining samaradorligiga e’tibor qaratildi. Aniqlangan ayrim kamchiliklarni bartaraf etish bo‘yicha muassasa ma’muriyatiga tegishli ko‘rsatmalar berildi.

💬Deputatlar ta’lim muassasasi rahbariyati bilan suhbatda yoshlarning nafaqat intellektual salohiyatini, balki jismoniy sog‘lomligini ham baravar rivojlantirish muhimligini ta’kidladilar.