Xalq deputatlari Termiz shahar Kengashi kotibiyati mudiri A.Ashurov hamda deputat J.Xamroqulov "Majnuntol" mahallasiga tashriflari doirasida aholi bandligini ta'minlash bo'yicha amaliy natijalar bilan tanishdilar.

⏺Deputatlar dasturning eng ustuvor yo‘nalishlaridan biri bo‘lgan — hududda yangi ish o‘rinlari yaratish va hokim yordamchilari faoliyati samaradorligini tahlil qilish masalasiga alohida e’tibor qaratdilar.

💬 Mahalla hokim yordamchisi tashabbusi bilan ajratilgan 23 million so‘m miqdoridagi imtiyozli kredit evaziga tashkil etilgan sartaroshxona faoliyati ko‘zdan kechirildi.

💬 Bugungi kunda ushbu tadbirkorlik subyekti nafaqat mahalla aholisiga sifatli xizmat ko‘rsatmoqda, balki yangi ish o‘rni yaratilishiga ham xizmat qilmoqda. Deputatlar hokim yordamchisining ushbu tashabbusini yuqori baholab, bunday samarali ish uslubini shahar miqyosida ommalashtirish yuzasidan o‘z tavsiyalarini berdilar.

🫥 Maqsadimiz — har bir mahalla fuqarosi uchun munosib ish o‘rni va barqaror daromad manbai yaratishdir!