Xalq deputatlari Tuproqqal'a tuman Kengashi raisi X.Sultonov hamda tuman Kengashi kotibiyati bosh mutaxassisi P.Rahmonov tomonidan tuman soliq inspeksiyasi rahbarining 2026-yil I choragida amalga oshirgan ishlari yuzasidan hisobot sessiya yig‘ilishidan oldin joyiga chiqib o‘rganildi.

O‘rganish davomida 2026-yil 1-yanvar holatiga korxona, tashkilot va muassasalar hamda jismoniy shaxslardan qolgan boqimanda qarzdorliklarni undirish, shuningdek, chorak davomida faoliyat natijasidan kelib chiqib tushirilishi lozim bo‘lgan soliqlar ijrosi yuzasidan olib borilgan ishlar tahlil qilindi. Aniqlanishicha, belgilangan qonun-qoidalar asosida tizimli ish tashkil etilgani natijasida soliq tushumlari bo‘yicha reja ko‘rsatkichlari ortig‘i bilan bajarilgan.

Shuningdek, tuman soliq inspeksiyasi rahbari S.Ro'zimova tomonidan jamoa bilan hamkorlikda mahalla yettiligi ishtirokida hududlardagi yashirin rezerv soliq manbalarini aniqlash, soliqqa tortish bazasini kengaytirish hamda tushumlarni oshirish borasida olib borilayotgan ishlar haqida ma’lumot berildi.

O‘rganish yakunida soliq tushumlarini yanada oshirish, qarzdorliklarni qisqartirish hamda mavjud ichki imkoniyatlardan samarali foydalanish yuzasidan tegishli tavsiya va ko‘rsatmalar berildi.09:38