Tuproqqal’a tumanidagi 14069-harbiy qismda 9-may — Xotira va qadrlash kuni munosabati bilan ma’naviy-ma’rifiy tadbir tashkil etildi.

Tadbir doirasida Xalq deputatlari Tuproqqal’a tuman Kengashi deputati, Respublika Ma’naviyat va ma’rifat markazi tuman bo‘linmasi rahbari F. Seydabdullayeva tomonidan “Vatanparvarlik — milliy o‘zlikni anglash va ma’naviy immunitet asosi: tarixiy meros, qadriyat va an’analarning tarbiyaviy ahamiyati” mavzusida davra suhbati o‘tkazildi.

Davra suhbati davomida Vatanga sadoqat, ajdodlar merosiga hurmat, milliy qadriyatlarning yoshlar tarbiyasidagi o‘rni hamda ularning bugungi kundagi ahamiyati yuzasidan atroflicha fikr almashildi.

Ta’kidlanganidek, bunday ma’naviy-ma’rifiy tadbirlar yosh avlod qalbida vatanparvarlik tuyg‘ularini mustahkamlash, ularni milliy qadriyatlarga hurmat ruhida tarbiyalashda muhim o‘rin tutadi.

Tadbir yakunida kelgusida mazkur yo‘nalishdagi uchrashuvlarni yanada kengroq qamrovda va tizimli ravishda tashkil etib borish bo‘yicha kelishuvga erishildi.