Xalq deputatlari Boyovut tumani Kengashi deputatlari ish rejaga asosan “O‘zbekiston” mahallasida bo‘lib, mahalla yettiligi bilan uchrashuv o‘tkazdi. Mazkur uchrashuv hududda olib borilayotgan ishlar samaradorligini oshirish, mavjud muammolarni joyida o‘rganish hamda aholi bilan ishlash tizimini yanada takomillashtirish maqsadida tashkil etildi.

Uchrashuv davomida deputatlar mahalla yettiligi faoliyati bilan yaqindan tanishib, hududda ijtimoiy-iqtisodiy rivojlanish, fuqarolarga ko‘rsatilayotgan xizmatlar sifati, ijtimoiy himoya, bandlikni ta’minlash hamda infratuzilma bilan bog‘liq masalalar yuzasidan olib borilayotgan ishlar haqida batafsil ma’lumot oldi.

Shuningdek, mahalla yettiligi a’zolari tomonidan mavjud muammolar, ularning kelib chiqish sabablari hamda ularni bartaraf etish bo‘yicha takliflar ilgari surildi. Deputatlar tomonidan mazkur taklif va murojaatlar atroflicha muhokama qilinib, ularni ijobiy hal etish yuzasidan tegishli chora-tadbirlar belgilandi.

Yig‘ilish yakunida hududni yanada rivojlantirish, aholining turmush darajasini oshirish hamda mahalla tizimi samaradorligini kuchaytirish bo‘yicha o‘zaro hamkorlikni mustahkamlash zarurligi alohida ta’kidlandi.