✅Mahalliy kengash raisi tomonidan ijtimoiy sohaning muhim tarmog‘i bo‘lgan ta’lim tizimida olib borilayotgan keng ko‘lamli islohotlar, yosh avlod kamoli yo‘lida yaratilayotgan imkoniyatlar, imtiyozlar, shu bilan birga hozirgi o‘smir-yoshlar ta’lim-tarbiyasidagi e’tibor talab jihatlar xususida batafsil tushunchalar berildi. 

✅Yangi O‘zbekistonning bir bo‘lagi bo‘lgan yangilanayotgan Uchko‘prik tumanidagi o‘zgarishlar, bunyodkorlik ishlarida yoshlarning o‘rni hamda sog‘lom turmush tarziga erishishda sport va jismoniy madaniyatning ahamiyati, sport turlari bo‘yicha uchko‘priklik yoshlarning viloyat, respublika, Osiyo, jahon sport arenalarida qo‘lga kiritayotgan yuksak g‘alabalari tufayli ular tumanning iftixoriga aylanayotgani e’tirof etildi. 

✅Davra suhbatida bugun hududlarda innovatsiya va ilm-fanni qo‘llab-quvvatlash borasidagi keng ko‘lamli ishlar o‘z samarasini berayotgani, ayniqsa, bugungi kun yoshlarini o‘zi tanlagan sohasiga qiziqishini yanada oshirish, layoqati bor yigit-qizlarni ta’limga va mutaxassisligiga to‘g‘ri yo‘naltirish ta’lim-tarbiyada erishajak yutuqlarning birlamchi omili ekani ta’kidlandi. 

✅Ertaga mehnat bozoriga kirib keladigan yoshlarni hayotga tayyorlash, zamonaviy kasblar to‘g‘risidagi tushunchalarini kengaytirish, kasbiy va nokasbiy ko‘nikmalarini rivojlantirish bo‘yicha grant dasturlar, qo‘shma loyihalarni amalga oshirish va ularning qiziqishlari hamda qobiliyatlarini inobatga olib, kasb-hunarga yo‘naltirish borasida amalga oshiriladigan loyihalar haqida qiziqarli ma’lumotlar berilishi bilan davra suhbati yoshlar xotirasida qoladigan bo‘ldi. 

  Xalq deputatlari Uchko‘prik tumani Kengashi