Өзбекстан халық демократиялық партиясы Нөкис районлық кеңеси баслығы Р.Сапарниязов тәрепинен "Төк таў" мәкан пуқаралар жыйынында "Депутат мәҳәлледе" жойбары шеңберинде илаж өткерилди.

Депутат өз сайлаўшылары менен болған ушырасыўында аймақтағы "Айдын жол" көшесин кесип өтип турған газ тармағын жоқарыға көтерип, қатнаў ушын қолайлылық жаратыў соралған еди. Бул мүрәжат бойынша депутат тәрепинен районлық газ тәмийнат бөлимине депутат сораўы шығарылып, машқаланы сапластырыўға ерисилди. Соның менен бирге пуқаралар усы көшеден өтип турған изейкешке пиядалар көпирин қурып берилиўин сорап еткен мүрәжаты бойынша тийисли мекемеге депутат сораўы жиберилди.

Slide 1 of 4