Xalq deputatlari tuman Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi. Mazkur yig‘ilishda hududda suv resurslaridan samarali foydalanish, qishloq xo‘jaligi ekinlarini suv bilan ta’minlash holati hamda sohada amalga oshirilayotgan ishlar atroflicha muhokama qilindi. Yig‘ilishda suv yetkazib berish
xizmati davlat muassasasi direktori A.Xaydarovning hisoboti eshitildi. Hisobotda joriy yilning o'tgan davri mobaynida amalga oshirilgan ishlar, jumladan, sug‘orish tarmoqlarini ta’mirlash, suv inshootlarini modernizatsiya qilish, suv tejovchi texnologiyalarni joriy etish hamda fermer va dehqon xo‘jaliklarini suv bilan uzluksiz ta’minlash borasida olib borilayotgan chora-tadbirlar
haqida batafsil ma’lumot berildi. Komissiya a’zolari tomonidan hisobot yuzasidan qator savollar berilib, sohadagi ishlarni yanada takomillashtirish bo‘yicha taklif va tavsiyalar ilgari surildi. Yig‘ilish yakunida ko‘rib chiqilgan masalalar yuzasidan tegishli qarorlar qabul qilinib, mas’ul tashkilot va idoralarga aniq vazifalar yuklatildi.