ДЕПУТАТ НАЗОРАТИДА: ТАЪЛИМ ВА КУТУБХОНА ШАРОИТЛАРИ

Халқ депутатлари Янгиқўрғон туман Кенгаши 10-Ғайрат сайлов округи депутати Сидиқов Дилшод Хасанбой ўғли томонидан ўз сайлов округидаги Гулшан МФЙ ҳудудида жойлашган 38-сонли мактабда ўрганиш ишлари олиб борилди.

📚 Ўрганиш жараёнида мактаб кутубхонаси мактаб директори ҳамда кутубхона мудираси иштирокида атрофлича кўздан кечирилди.

Маълум бўлишича, ўқувчиларнинг бўш вақтини мазмунли ташкил этиш учун кутубхонада етарли миқдорда китоблар мавжуд.

🔍 Бироқ ўрганиш давомида қуйидаги муаммо аниқланди:

▫️ катта ёшдаги ўқувчиларнинг кутубхонада ўтириб мутолаа қилиши учун етарли шароит яратилмаган;

▫️ хусусан, стол-стуллар етишмаслиги сабабли китобхонлик жараёни тўлиқ йўлга қўйилмаган.

📌 Мазкур ҳолат юзасидан:

▫️ кутубхонада зарур жиҳозлар билан таъминлаш;

▫️ ўқувчилар учун қулай ва замонавий мутолаа муҳитини яратиш мақсадида

тегишли ташкилотларга депутатлик сўровлари юборилмоқда.

Шу орқали ёшлар ўртасида китобхонлик маданиятини янада ривожлантириш ва уларнинг бўш вақтини самарали ташкил этишга эътибор қаратилмоқда.