Xalq deputatlari Qo‘qon shahar Kengashi deputati, Qo‘qon shahar hokimi M.Usmonov hamda Xalq deputatlari Qo‘qon shahar Kengashi raisi O'.Tojieva tomonidan shahar yoshlari bilan ochiq muloqot tarzidagi uchrashuv o‘tkazildi.

Uchrashuv davomida yoshlarga Xalq deputatlari mahalliy Kengashlarining vakolatlari, deputatning huquq va majburiyatlari, deputatlik faoliyatining asosiy yo‘nalishlari hamda saylovchilar manfaatlarini himoya qilishdagi o‘rni haqida batafsil ma’lumot berildi.

Shuningdek, deputatlik faoliyatida fuqarolar murojaatlari bilan ishlash, deputatlik so‘rovi yuborish tartibi, Kengash sessiyalarida ko‘rib chiqiladigan masalalar hamda yoshlarning qonun ijodkorligi va jamoatchilik nazoratidagi ishtiroki yuzasidan fikr almashildi.

Muloqot davomida yoshlar o‘zlarini qiziqtirgan savollar bilan murojaat qilib, deputatlik faoliyati, davlat boshqaruvida yoshlarning ishtiroki hamda ularni qo‘llab-quvvatlashga qaratilgan imkoniyatlar yuzasidan atroflicha javob oldilar.

Uchrashuv yakunida yoshlarning tashabbuslarini qo‘llab-quvvatlash, ularning jamiyat hayotidagi faolligini oshirish hamda deputatlar va yoshlar o‘rtasidagi ochiq muloqotni izchil davom ettirish yuzasidan kelishib olindi.

Xalq deputatlari Qo‘qon shahar Kengashi