Xalq deputatlari Qo‘qon shahar Kengashi deputati Sh.Nazarova tomonidan saylovchi murojaati asosida yuborilgan deputatlik so‘rovi yuzasidan Qo‘qon shahar Kadastr bo‘limi tomonidan murojaat belgilangan tartibda ko‘rib chiqildi.

Mazkur murojaat yuzasidan Kadastr agentligi mutaxassislari tomonidan fuqaro bilan bevosita bog‘lanilib, huquqni belgilovchi hujjatlarni tiklash, meros huquqini rasmiylashtirish hamda ko‘chmas mulkni davlat ro‘yxatidan o‘tkazish tartibi yuzasidan batafsil huquqiy tushuntirishlar berildi.

Shuningdek, murojaatda ko‘tarilgan masalani qonunchilik talablari asosida hal etish bo‘yicha fuqaroga tegishli idoralarga murojaat qilish tartibi hamda amalga oshirilishi lozim bo‘lgan bosqichlar yuzasidan amaliy tavsiyalar berildi.

Deputat Sh.Nazarova tomonidan mazkur murojaat ijrosi nazoratga olinib, fuqaroning qonuniy manfaatlarini ta’minlash hamda masalaning amaliy yechimiga erishish yuzasidan tegishli tashkilotlar bilan hamkorlik davom ettirilmoqda.

Xalq deputatlari Qo‘qon shahar Kengashi