Inson-eng oliy qadriyat!

Mana nima uchun konistitutsiyani bilishimiz kerak:

Bugun men O'zbekiston Respublikasi Konstitutsiyasining ahamiyati haqida so'z yuritmoqchiman. Konstitutsiya - bu oddiygina kitob yoki hujjat emas. U bizning davlatimizning asosiy qonuni, jamiyatimizning poydevori, har bir fuqaroga tegishli bo'lgan eng muhim kafolatlar majmuasidir.

Konstitutsiya bizga kimligimizni, qanday davlatda yashayotganimizni va qanday huquqlarga egaligimizni eslatib turadi. Unda "Inson eng oliy qadriyat" degan tamoyil asosiy o'rinni egallagan. Demak, har birimizning sha'ni, qadr-qimmati, huquq va erkinliklarimiz davlat tomonidan himoya qilinadi.

Shu bilan birga, Konstitutsiya faqat davlatning bizga nima berishi haqida emas, balki bizning ham jamiyat va Vatan oldidagi burchlarimiz haqida so'zlaydi. Bugungi kunda mamlakatimiz taraqqiyoti, qonun ustuvorligi, tinchlik va barqarorlik bularning barchasi Konstitutsiyada belgilangan tamoyillarga

sodiqlik natijasidir. Konstitutsiyani bilish - bu majburiyat emas, balki ongli fuqarolik belgisidir. Agar biz o'z huquqlarimizni bilsak, o'z burchlarimizni tushunsak, jamiyatning yanada adolatli va farovon bo'lishiga hissa qo'shgan bo'lamiz.

Shuning uchun men o'ylaymanki, har bir yosh, har bir fuqaro Konstitutsiyani chuqur o'rganishi, unda aks etgan g'oya va qadriyatlarni hayotida qo'llashi kerak. Chunki Konstitutsiya - bu bizning kelajagimizni belgilab beruvchi hujjat, Vatanimizning yuragi, xalqimizning erki va ozodligining ramzidir.   

Xalq Deputatlari Bulung‘ur tuman Kengashi