Saylovchilar bilan uchrashuv bo‘lib o‘tdi

Birlashgan Millatlar Tashkiloti Bosh Assambleyasining 1992-yil 14-oktabrdagi qaroriga muvofiq, 3-dekabr Xalqaro nogironlar kuni etib belgilangan bo‘lib, mazkur sana jahonda keng nishonlanadi. Ushbu kunning asosiy maqsadi — aqlan va jismonan imkoniyati cheklangan shaxslarni har tomonlama qo‘llab-quvvatlash, ularning jamiyatdagi o‘rnini mustahkamlash, shuningdek, ularga bo‘lgan e’tibor va g‘amxo‘rlikni kuchaytirishdan iboratdir.

Shu munosabat bilan, Xalq deputatlari Sherobod tumani Kengashining 9-G‘o‘rin – Xakimobod saylov okrugidan saylangan deputati Y. Shoymanov o‘z hududidagi boquvchisini yo‘qotgan, kam ta’minlangan hamda nogironligi bo‘lgan saylovchilar bilan uchrashuv o‘tkazdi. Uchrashuv davomida deputat ularning holidan xabar oldi, mavjud muammolarini tingladi va zarur yordam ko‘rsatish imkoniyatlarini o‘rganib chiqdi.