Davlat rahbarining Vengriya va Sloveniyaga tashrifi, shuningdek, ta’lim sohasidagi islohotlari bo‘yicha Xalq deputatlari Urganch shahar Kengashi deputatlari targ‘ibot ishlarini olib bordilar.

Ana shunday targ‘ibot tadbirlaridan biri mahalliy Kengash deputati M.T.Jumaniyozova tomonidan Urganch davlat universiteti talabalari ishtirokida bo‘lib o‘tdi.

DeputatM.Jumaniyozova O‘zbekiston dunyo sahnasida tinchliksevar, ochiq va pragmatik siyosat yurituvchi davlat sifatida e’tirof etilmoqda. Prezident Shavkat Mirziyoevning joriy yil 19–22 may kunlari Vengriya va Sloveniyaga amalga oshirgan rasmiy tashriflari
ham ana shu siyosiy yurishning mantiqiy davomi, deb ta’kidladi.

Ikki davlat o‘rtasida ekstraditsiya, iqlim o‘zgarishiga qarshi kurash, tabiiy ofatlar monitoringi, ilm-fan, innovatsiyalar va tinch atom sohalaridagi hamkorlik to‘g‘risida muhim hujjatlar imzolanganligi, bu esa hamkorlik qamrovining kengligi va har tomonlama
rivojlanayotganini yaqqol namoyon etishi haqida so‘z bordi.

Tadbirda Davlat rahbarining ta’lim sohasidagi islohotlari va ta’lim tizimidagi o‘zgarishlar haqida ham so‘z bordi.