Ishtixon tumani Nuroniylar jamg‘armasi a’zolari tashabbusi bilan tumandagi 8-umumiy o‘rta ta’lim maktabida “Keksalar haftaligi” doirasida “Uch avlod” uchrashuvi bo‘lib o‘tdi.

Uchrashuvni Xalq deputatlari Ishtixon tumani Kengashining eng yoshi ulug‘ deputati B.Xidirov ochib berdi. Tadbirda shoir va shoiralar ishtirok etishdi va maktabning faol va yaxshi o‘qiydigan o‘quvchilariga o‘zlarining she’riy to‘plam kitoblaridan sovg‘alar ulashdi.

Uchrashuvda keksa avlod va yoshlar o‘rtasida tajriba almashish, milliy qadriyatlarning uzviyligini ta’minlash va ma’naviy merosni yoshlarga yetkazish kabi muhim masalalar muhokama qilindi.