Shu munosabat bilan Samarqand shahridagi "Qarshi yo‘li" mahalla fuqarolar yig‘ini raisi B. Xabibov tomonidan mahallada faoliyat yuritayotgan ko‘chaboshi va uyboshilarni rag‘batlantirish yuzasidan Xalq deputatlari Samarqand shahar Kengashi deputati Olim Pardayevga murojaat qilindi.

Murojaatda mahalla hayotida faol ishtirok etib, fuqarolarning muammolarini hal etishda tashabbuskorlik ko‘rsatayotgan, mahallaning ijtimoiy-siyosiy hayotida munosib hissa qo‘shib kelayotgan ko‘chaboshi va uyboshilarni munosib taqdirlash masalasi ilgari surilgan.

Mazkur murojaat belgilangan tartibda ko‘rib chiqilishi uchun Xalq deputatlari Samarqand shahar Kengashi raisi va Kengash kotibiyatiga muhokama uchun kiritildi.

Mahalla tizimida fidokorona faoliyat yuritayotgan jamoatchi faollar mehnatini e’tirof etish va ularni qo‘llab-quvvatlash fuqarolarning o‘zini o‘zi boshqarish organlari faoliyati samaradorligini yanada oshirishga xizmat qiladi.