Deputat so‘rovi yuborildi

Xalq deputatlari Qiziriq tumani Kengashi deputati J.Xudoyqulova tomonidan O‘zbekiston Respublikasi Prezidentining 2024-yil 24-dekabrdagi “2025–2027-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-454-sonli qarori ijrosi yuzasidan Qiziriq tumani hokimi o‘rinbosari Z.Adirovga deputat so‘rovi yuborildi.

Deputat so‘rovida mazkur qaror asosida rekonstruksiya qilinishi belgilangan “Istiqlol” mahallasidagi 5-sonli maktabgacha ta’lim tashkilotida olib borilayotgan qurilish-ta’mirlash ishlarining bugungi holati o‘rganilib, ob'ektning belgilangan muddatlarda foydalanishga topshirilmaganligi yuzasidan mas’ullardan asoslantirilgan ma’lumot taqdim etish so‘ralgan.

Shuningdek, rekonstruksiya ishlarining kechikish sabablari, ob'ekt bo‘yicha o‘zlashtirilgan mablag‘lar, qurilishning amaldagi holati hamda ishlarni yakunlash va foydalanishga topshirish bo‘yicha ko‘rilayotgan choralar yuzasidan batafsil axborot taqdim etilishi so‘ralgan.

Mazkur masala deputatlik nazoratiga olingan.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#Dputat_sorovi #J_Xudoyqulova