Bugun xalq deputatlari Xorazm viloyati Kengashi deputati Ravshan Karimov va xalq deputatlari Xiva tuman Kengashi deputati Yulduzoy Toshpoʻlatova Xiva tumani, Chonashik mahallasi fuqarolari bilan uchrashib, ularni qiynab kelayotgan muammolari bilan qiziqdilar.

Muloqot davomida fuqarolar tomonidan ichki xoʻjalik yoʻllari taʼmirtalab holga kelib qolgani, ishga joylashish, moddiy yordam, davolanish uchun dori-darmon masalalari kabi turli mazmundagi muammolar bildirildi.  

Yechimi kutilgan muammolar yuzasidan tez fursatda tegishli idora va tashkilotlarga deputatlik soʻrovlari yuborildi va yechimi muddat talab qiladigan masalalar yuzasidan fuqarolarga huquqiy tushuntirishlar berildi. Xalq manfaati yoʻlida xizmat qilishni oʻzining sharafli burchi deya oʻz ishiga masʼuliyat bilan yondashayotgan fidoyi deputatlar tomonidan joylarda fuqarolar bilan uchrashuvlari davom etmoqda.