Xalq deputatlari G‘ozg‘on shahar Kengashi deputati R.Jo‘rayeva tomonidan shahardagi Tumar MFY yoshlar yetakchisi tomonidan amalga oshirilayotgan tadbirlar va loyihalar samaradorligi o‘rganildi.

O‘rganish jarayonida nafaqat mahalladagi tadbirlar va yoshlar bandligi holati, balki amaliyot hujjatlari, reja va hisobotlar ham atroflicha ko‘zdan kechirildi. Bu orqali amalga oshirilayotgan ishlarning tartib-intizomi, rejalashtirilgan chora-tadbirlar ijrosi va natijadorligi baholandi.

Shuningdek, mahalladagi yoshlar bandligini ta’minlash, ularni kasb-hunarga yo‘naltirish, tadbirkorlik va ijtimoiy loyihalarda ishtirokini oshirish, bo‘sh vaqtini mazmunli tashkil etish hamda jamiyatdagi faol ishtirokini rag‘batlantirish bo‘yicha amalga oshirilayotgan ishlar tahlil qilindi.

Deputat tomonidan tadbirlar samaradorligi, yoshlar bandligi va hujjatlar ijrosi yuzasidan mas’ullarga tavsiyalar berilib, kelgusida ishlarni yanada tizimli tashkil etish zarurligi ta’kidlandi.