Xalq deputatlari shahar Kengash deputatlari faoliyatining eng muhim yo‘nalishlari bo‘yicha ya’ni bozorlardagi aholi iste’moli uchun eng zarur mahsulotlar narx-navosi, mahsulotlarning yetarliligi bo‘yicha shahar Kengashi deputati R.Baltayev va B.Allabergenov hamda markaziy dehqon bozori rahbariyati bilan hamkorlikda shahardagi “Navbahor” mahallasi hududida joylashgan markaziy dehqon bozori xolati va bozordagi mahsulot sifati va narx-navolari o‘rganildi. 

Bundan tashqari sotilayotgan mahsulotlarning sifat sertifikatlari, sanitariya-gigiyena talablariga muvofiqligi hamda bozor hududidagi umumiy tozalik holati o‘rganildi. Bozor rastalarining mahsulotlar bilan to‘laligi hamda aholi talabini qondirish darajasi ko‘zdan kechirildi. Sun’iy taqchillikning oldini olish choralari muhokama qilindi va aholi kundalik ehtiyoji uchun zarur bo‘lgan asosiy turdagi oziq-ovqat mahsulotlari (go‘sht, yog‘, un, shakar, guruch va poliz ekinlari) narxlarining suniy ravishda oshirilishiga yo‘l qo‘ymaslik masalalari tahlil qilindi. 

Shuningdek, deputatlar bozorga kelgan xaridorlar bilan suhbatlashib, ularning narxlar va ko‘rsatilayotgan xizmatlar borasidagi fikr va takliflarini tingladilar.  

O‘rganish yakunlari bo‘yicha bozor rahbariyatiga narxlarni barqaror saqlash, ayniqsa, “tadbirkor – iste’molchi” zanjirida o‘zaro manfaatdorlikni ta’minlash yuzasidan tegishli tavsiyalar berildi. Aniqlangan ayrim kamchiliklarni bartaraf etish bo‘yicha mas’ullarga ko‘rsatmalar berilib, deputatlik nazorati o‘rnatildi.