Xalıq deputatları Qaraózek rayonlıq Keńesi deputatları M.Gulimbetov, A.Kelimbetova hám sekretariat baslıǵı Q.Jaqsımuratovlar Akademik Sabır Kamalov awıl puqaralar jıyını aymaǵında sociallıq obyektlerdiń abadanlastırıw hám kóklemzarlastırıw baǵdarındaǵı jumısları barısın úyrendi. Deputatlar bul baǵdarda nızamshılıq tiykarları haqqında maǵlıwmat, kórsetpeler berip, mashqalalar tıńlandı hám deputatlıq qadaǵalawǵa alındı.

Rayonlıq Keńeske Akademik Sabır Kamalov awıl puqaralar jıyını aymaǵınan 12-Qarakól okruginen deputat A.Kelimbetova hám 13-Qara aǵash okrugi deputatı M.Gulimbetov lar máhálle aymaǵında ushırasıwında Ózbekstan Respublikası Prezidentiniń 2026-jıl 21-fevral kúngi «Qaraqalpaqstan Respublikasın 2026-jılda sociallıq-ekonomikalıq rawajlandırıw hám kelesi jıllar ushın mólsherlenfen baǵdarlamalardı tastıyıqlaw haqqında»ǵı 70-sanlı qararı hámde Keńesi sessiyasi sheshimi menen tastıyıqlanǵan awır máhállelerde ámelge asırılatuǵın ilajlar baǵdarlaması, sonday-aq, basqada áhmiyetli nızamshılıq tiykarları tanıstırıldı. 

Saylawshılar menen bir qatar turmıslıq máselelerde pikir alısılıp, usınıs, múrájatları tıńlandı.